“Axmat” jamoasi bosh murabbiyi Stanislav Cherchesov “Orenburg”ga qarshi o‘yin oldidan “Match TV”ga o‘z fikrlarini bildirdi. Bu haqida Euro-football.ru xabar berdi.
Bugun siz “Axmat” jamoasida bosh murabbiy sifatida ikkinchi o‘yiningizni o‘tkazasiz. Jamoa o‘yinida qanday o‘zgarishlar qilganingiz va bugun jamoani qanday ko‘rishni istashingiz haqida so‘ralganda, Cherchesov quyidagilarni aytdi: – O‘zingiz ham guvoh bo‘ldingiz, biz o‘yin uslubini bir oz o‘zgartirdik.
O‘tgan safar “Zenit”ga qarshi o‘ynadik. U yerda o‘zimiz xohlaymizmi yo‘qmi, baribir raqibga qarab harakat qilishimizga to‘g‘ri keldi.
Biz esa intizomli, har bir o‘yinda g‘alaba qozonishga intiladigan jamoa bo‘lishni xohlaymiz. Har bir o‘yin o‘ziga xos tarzda yutib olinishi kerak.
O‘z yo‘limizdan boramiz. Bu ikkinchi o‘yin, siz to‘g‘ri ta’kidlaganingizdek, qisqa vaqt ichida ko‘p o‘zgarish kiritish qiyin.
Eng asosiysi – jamoa ichidagi muhit va futbolchilarning ruhiyatiga ta’sir qilishdir. Futbolchilar o‘ynashni bilishadi.
Shuningdek, Vladimir Slishkovich kubok uchrashuvlari yosh futbolchilarga tajriba orttirish uchun imkoniyat ekanini aytdi. Cherchesov esa kubok o‘yinlari haqida quyidagilarni bildirdi: – Kubok o‘yini – bu sovrin uchun o‘tkaziladigan uchrashuv.
Mening davrimda kubok bir o‘yinda hal qilinardi, ya’ni yutdingizmi yoki yutqazdingizmi – natija shu bilan aniqlanardi. Hozir esa ayrim imkoniyatlar paydo bo‘lgan.
Bizda ham o‘zgarishlar bo‘ladi, chunki yaqinda “Zenit”ga qarshi murakkab o‘yin o‘tkazdik va ayrim futbolchilar to‘liq tiklana olishmadi. Shuning uchun tarkibni futbolchilarning hozirgi holatidan kelib chiqib tanlaymiz, – dedi Cherchesov.
Bosh murabbiyning ta’kidlashicha, qisqa muddatda jamoani to‘liq o‘zgartirish mushkul, biroq jamoa ichki muhiti va futbolchilarning ruhiy holati asosiy e’tiborda bo‘ladi.
