Manchester Yunayted Karlos Baleba uchun har qanday narxni to‘lashga tayyor
Manchester Yunayted klubi "Brayton" jamoasining yarim himoyachisi Karlos Balebani o‘z tarkibiga qo‘shib olishga qat’iy bel bog‘lagan. Bu haqida Euro-football.ru xabar berdi.
Klub vakillari futbolchini sotib olish uchun barcha choralarni ko‘rishga tayyor. "Brayton" esa yosh futbolchini sotishni rejalashtirmayapti va uning narxini ataylab oshirib, xaridorlarni chalg‘itishga harakat qilmoqda.
Biroq, Manchester Yunayted ushbu to‘siqlarga qaramay, Karlos Balebani o‘z safiga qo‘shish niyatidan qaytmayapti. Ma’lumotlarga ko‘ra, klub futbolchini sotib olish uchun zarur bo‘lgan istalgan miqdordagi mablag‘ni to‘lashga tayyor.
Bu transfer amalga oshsa, klub kelajakda katta moliyaviy sarf-xarajatlar bilan yuzma-yuz kelishi mumkinligini yaxshi anglaydi, lekin shunga qaramay, orqaga chekinmoqchi emas. Transfermarkt saytida Karlos Balebaning qiymati 40 million yevro deb baholangan.
Biroq, ayrim manbalarga ko‘ra, Brayton klubi futbolchi uchun 115 million yevrodan ortiq mablag‘ so‘ramoqda. Shu sababli, ikki klub o‘rtasida muzokaralar davom etmoqda va kelishuvga erishilishi hozircha noma’lumligicha qolmoqda.
