"Kransnodar" jamoasi bosh murabbiyi Murad Musayev "Dinamo" bilan o‘yindan so‘ng o‘z fikrlarini bildirib o‘tdi. Bu haqida Euro-football.ru xabar berdi.
Uchrashuv oson kechmadi, raqib to‘pni nazorat qilishga va o‘yinda ustunlik qilishga harakat qildi. "Dinamo" pastdan o‘ynab, ko‘proq markaz orqali hujum qildi.
Biz esa xavfli pressing usulini tanladik. Birinchi bo‘limda ayrim xatolarimiz bo‘ldi, ortda o‘ynadik, lekin tezkor hujumchilarimiz yordamida bo‘shliqlarda yaxshi harakat qildik.
O‘yinning boshida hisob teng edi, biroq biz gol urdik va bu jamoani biroz erkinlashtirdi. Pressingda ham ba’zi o‘zgarishlar kiritdik.
Yangi futbolchilar hali asosiy tarkibdagi o‘yinchilar darajasida emas, lekin bu o‘yin bizga ko‘p foydali ma’lumot berdi. Jamoa yondashuvi menga ma’qul bo‘ldi.
Avvalgi kubok uchrashuvida birinchi bo‘limda sust harakat qilgan edik, bu safar esa boshidanoq faol harakat qildik. Har bir o‘yinda o‘sishga intilish kerak.
Zaxirada qolgan futbolchilar ham o‘zini maydonda isbotlashi lozim. Hamma harakatidan mamnunman, ammo oldinda muhim o‘yinlar bor, shuning uchun bo‘shashib qolmaslik kerak.
Uch kundan so‘ng "Sochi" bilan muhim bahs bo‘lib o‘tadi. Mukaillov bugun ikki gol urdi va o‘z salohiyatini ko‘rsatdi.
U tasodifan asosiy jamoaga kelmagan. Yozgi yig‘inda ham o‘zini ko‘rsatgan, yoshlar jamoasidagi o‘yinlarini ham kuzatamiz.
U yaxshi hujumchi, biroq hali ko‘p ishlashi kerak. Hali unga bo‘shashish mumkin emas.
Maydonda intervyu bergani uchun uni zudlik bilan olib chiqish kerak edi. Ko‘proq mehnat qilish, kamtar bo‘lish lozim.
Chempionatda uni zaxiradan maydonga tushayotganini ko‘rishimiz mumkin. Hozir bu pozitsiyada Jon Kordoba o‘ynayapti va u chempionatning eng yaxshi o‘yinchilaridan biri.
Lekin Mukaillov asosiy jamoa bilan ko‘proq shug‘ullanadi va imkoniyatlar bo‘ladi. Markaziy hujumchisiz 20 daqiqadan ko‘proq o‘ynadik.
Nikita yaxshi harakat qildi. Kazbekda muammolar yuzaga keldi, shuning uchun Nikitani hujumga o‘tkazdik va u bosim o‘tkazishda faol bo‘ldi.
Bu ham biz uchun yangi imkoniyat bo‘lishi mumkin. "Dinamo" mavsumga og‘ir kirishyapti.
Buning sababi, ehtimol, jamoaga vaqt kerak. Murabbiy ko‘p mehnat qilmoqda, futbolchilarga moslashish uchun biroz vaqt zarur.
Ishonchim komilki, "Dinamo" yaxshi o‘ynaydi va natija ko‘rsatadi. Bu faqat vaqt masalasi.
O‘tgan mavsum biz ham qiyinchiliklarga duch kelgan edik, lekin mehnat va sabr natijasini beradi. "Dinamo" yuqori o‘rinlar uchun kurashadi.
