Karpin legionerlar cheklovi bo‘yicha eski fikrida qoldi
Moskvaning “Dinamo” futbol klubi va Rossiya milliy terma jamoasi bosh murabbiyi Valeriy Karpin Rossiya Premyer ligasida legioner futbolchilar uchun belgilangan cheklovlarni kuchaytirish haqidagi yangilikka o‘z munosabatini bildirdi. Bu haqida Euro-football.ru xabar berdi.
Ma’lum qilinishicha, ushbu tashabbus Rossiya sport vazirligi tomonidan ilgari surilgan. Valeriy Karpin bu borada o‘z fikrini 2008 yilda bildirganini va unga qo‘shimcha aytadigan so‘zi yo‘qligini ta’kidladi.
Uning so‘zlariga ko‘ra, bu masalada avvalgi pozitsiyasida qoladi. Hozirgi tartibga ko‘ra, har bir klub tarkibida 13 nafardan ortiq legioner futbolchi bo‘la olmaydi va bir vaqtning o‘zida maydonda 8 nafar xorijlik futbolchi ishtirok etishi mumkin.
Sport vazirligi ushbu tartibni o‘zgartirishni taklif qilmoqda. Yangi taklifga ko‘ra, klub ro‘yxatida 10 nafar legioner bo‘lishi mumkin va maydonga bir vaqtning o‘zida 5 nafar xorijlik futbolchi chiqishi mumkin bo‘ladi.
Sport vazirligi rahbari Mixail Degtyaryovning so‘zlariga ko‘ra, bu borada asosiy qaror qabul qilingan va yangi tartib bosqichma-bosqich, 2026/2027 yilgi mavsumdan boshlab joriy etiladi. Shuningdek, vazirlik xorijlik futbolchilar bilan tuzilgan uzoq muddatli shartnomalar hisobga olinishi va klub manfaatlari e’tiborga olinishi haqida ham ma’lumot berdi.
