Ko‘p yillar davomida «Manchester Yunayted» jamoasida o‘ynagan Markus Reshford muhitni o‘zgartirishga qaror qilib, Ispaniyaning «Barselona» klubiga o‘tdi. Bu haqida Euro-football.ru xabar berdi.
Intervyusida u «Manchester Yunayted» bilan xayrlashish sabablarini tushuntirdi. Uning so‘zlariga ko‘ra, klub o‘zining asosiy tamoyilidan ayrilib, qayta qurilish jarayoniga kirib ketgan, biroq ushbu jarayondan chiqolmagan.
Reshford shunday dedi: «Yillar davomida biz haqimizda o‘tish davrida ekani aytilardi, lekin ko‘rinib turibdiki, bu jarayon juda cho‘zilib ketdi. Keling, haqiqatni tan olaylik.
«Manchester Yunayted»da murabbiylar, g‘oyalar va strategiyalar o‘zgardi, ammo asosan hech narsa o‘zgarmadi. Biz, futbolchilar, haqiqiy rahbarsiz qoldik».
Shuningdek, Reshford «Barselona»da Gari Linekerdan keyin o‘ynagan birinchi ingliz futbolchisi bo‘ldi. Bu o‘zgarish uning faoliyatida yangi sahifa ochilishiga sabab bo‘ldi.
