Angliya Premer-ligasining navbatdagi turida "Manchester Siti" o‘z maydonida "Nyukasl Yunayted"ni yirik 4:0 hisobida mag‘lub etdi. Jamoaning asosiy hujumchisi Omar Marmush xet-trik qayd etdi (19’, 24’, 33’), so‘nggi gol esa 84-daqiqada Jeyms Makati tomonidan kiritildi.
Statistikaga ko‘ra, "Manchester Siti" butun o‘yin davomida ustunlik qildi. Ular to‘pga egalik qilish bo‘yicha 62% ustunlikka ega bo‘lishdi, 585 ta uzatma bajarishdi va ularning aniq paslar foizi 92% ni tashkil etdi. Jamoa raqib darvozasiga 11 marta zarba berdi, shundan 7 tasi aniq bo‘ldi.
Himoyada yosh futbolchi Abduqodir Husanov yana ishonchli o‘yin namoyish etdi. U o‘z pozitsiyasida xavfsiz harakat qilib, "Nyukasl" hujumchilariga imkon bermadi. "Nyukasl" esa butun o‘yin davomida atigi 3 zarba berib, faqat 1 ta aniq zarba yo‘llay oldi.
Bu g‘alaba bilan "Manchester Siti" 44 ochko to‘plab, 4-o‘ringa ko‘tarildi. "Nyukasl" esa 41 ochko bilan 7-o‘rinda qoldi.
