«Chelsi» jamoasining bosh murabbiyi Enzo Mareska yarim himoyachi Karni Chukvuemekaning kelajagi haqida fikr bildirdi. Bu haqida Euro-football.ru xabar berdi.
So‘nggi kunlarda ommaviy axborot vositalarida 21 yoshli futbolchi klub tomonidan unga bo‘lgan munosabatdan norozi ekani va jamoani tark etishni rejalashtirayotgani haqida ma’lumotlar paydo bo‘ldi. Hozirda nemisning «Borussiya» Dortmund klubi ingliz futbolchisi bilan muzokaralar olib bormoqda.
Ular uni yana ijaraga olish va keyinchalik sotib olish imkoniyati bilan jamoaga qaytarishni xohlamoqda, ammo tomonlar hali kelishuvga erishgani yo‘q. Mareska so‘zlariga ko‘ra, Chukvuemeka o‘zining kelajagi bo‘yicha qaror kutayotgan futbolchilar bilan birga mashg‘ulot o‘tkazmoqda va uning jamoani tark etish imkoniyati mavjud.
Karni Chukvuemeka fevraldan iyulgacha «Borussiya» safida ijarada o‘ynagan. Transfermarkt portali uning narxini 18 million yevroga baholagan.
