Ayni kunlarda Toshkentdagi “Universal horses stable” ot sporti klubida ot sportining nufuzli yo‘nalishlari — konkur va ot yo‘rttirish bo‘yicha yirik xalqaro musobaqalar bo‘lib o‘tmoqda. Mazkur musobaqalar "CSI1-W" Jahon kubogi hamda "AEF Cup" Osiyo kubogi doirasida tashkil etilmoqda.
Quvonarlisi, ushbu nufuzli sport tadbirida o‘zbekistonlik chavandozlarimiz muvaffaqiyatli ishtirok etib, bir necha yo‘nalishlarda g‘olib va sovrindor bo‘lishmoqda.
Jumladan, «Competition 3» yo‘nalishi bo‘yicha o‘tkazilgan 125 santimetr balandlikdagi to‘siqlardan ot sakratish bahslarida hamyurtimiz Bekzod Qurbonov o‘zining «Santos Hippica» laqabli tulpori bilan oltin medalga ega chiqdi. Ushbu yo‘nalishda yana bir vakilimiz Alisherjon Erkinov «Etos» oti bilan uchinchi pog‘onani egallab, bronza medali sohibi bo‘ldi.
Gran-pri saralash bosqichi bo‘lgan «Competition 4» yo‘nalishida esa, 145 santimetr balandlikdagi to‘siqlardagi bellashuvda yana Bekzod Qurbonov o‘z mahoratni ko‘rsatdi. U «Quintus HB» nomli tulpori bilan eng yuqori natijani qayd etdi.
Shuningdek, ushbu bosqichda Saidamirxon Turg‘unboyev «Calleko» oti bilan hamda Xurshidbek Alimjonov «Quintus HB» tulporida yuqori natijalarni qayd etishib, kuchli uchlikdan joy olishdi.
«AEF Cup» Osiyo kubogi doirasida o‘tkazilgan musobaqaning 115 santimetrlik to‘siqlardagi bellashuvlarida Bahromjon G‘oziyev o‘zining «Jodcasalla A» nomli otida kumush medalini qo‘lga kiritdi. Saidamirxon Turg‘unboyev esa «Jordy» otida sovrindorlar orasida bronza medali bilan taqdirlandi.
O‘zbekistonlik chavandozlarimizning mazkur xalqaro turnirlardagi bu kabi muvaffaqiyatli ishtiroklari mamlakatimizda ot sportining rivojlanib borayotganidan dalolatdir. Ushbu natijalar hamda sportchilarimizning xalqaro tajribalari yosh avlod uchun ham munosib namuna bo‘lib xizmat qiladi.
O‘xshash yangiliklar
Shavkat Mirziyoyev xotin-qizlarni 8 mart bilan tabrikladi
O‘zbekiston prezidenti Shavkat Mirziyoyev 8 mart – Xalqaro xotin-qizlar kuni munosabati bilan o‘tkazilgan tantanali marosimda so‘zlagan nutqida mamlakat xotin-qizlarini tabrikladi. Davlat rahbari
O‘zbekistonga mundialga chiqish uchun qanday natijalar kerak?
O‘zbekiston milliy jamoasi hozirdanoq saralash o‘yinlarida ochko to‘plash bo‘yicha eng yaxshi natijasini qayd etib turganiga qaramay, hal qiluvchi o‘yinlar endi o‘tkaziladi. Futbol bo‘yicha
Rossiya Ukraina janubini nega bu qadar tez ishg‘ol qilgandi?
2022 yil 24 fevral kuni ertalab soat 4 larda Rossiya armiyasi Ukraina hududiga hujum boshlagandi. Yurish bir vaqtning o‘zida bir necha yo‘nalishda: janub, sharq va shimoldan olib boriladi. Biroq,
Mixaylo Podolyak: «Aslida, normal va qulay muzokara jarayoni ketmoqda»
Hennadii Minchenko / Ukrinform / Future Publishing / Getty Images AQSH prezidenti Donald Tramp 2025 yil 20 yanvarda bo‘lib o‘tgan inauguratsiyasidan so‘ng, darhol Putin bilan uchrashish niyati
Hafta oʻyinlari: «Manchester Siti» «Nyukasl»ga qarshi, «Bavariya» «Bayer» mehmoni
Foto: Getty images MANChESTER SITI – NYuKASL (15 fevral, 20:00) Kecha «Chelsi» Braytonda yutqazgach, kuchli toʻrtlik uchun da'vogarlarda yangi imkoniyat paydo boʻldi, deyish mumkin. Ayni paytda
