Rossiyaning SSKA klubida to‘p surayotgan hamyurtimiz Abbosbek Fayzullayev, jamoasining Rossiya kubogi doirasidagi javob bahsida «Zenit» ustidan g‘alaba qozonishiga to‘liq ishonch bildirmoqda.
«Albatta, biz SSKA safida javob uchrashuvida «Zenit» ustidan g‘alaba qozonishimiz mumkin. Jamoamizning Rossiya kubogi superfinaliga chiqish uchun imkoniyati hali ham yuqori», – dedi Abbosbek Fayzullayev o‘zining fikrini bildirib.
Eslatib o‘tish joiz, birinchi o‘yinda moskvaliklar safarda «Zenit»ga qarshi bahs olib borib, 0:2 hisobida mag‘lub bo‘lgan edi. Mazkur jamoalar o‘rtasidagi javob uchrashuvi 14 may kuni Moskva shahrida o‘tkaziladi.
Abbosbekning ushbu ishonchli fikri haqiqatga aylanadimi? Buni vaqt ko‘rsatadi.
