Ravshan Haydarov boshqaruvidagi O‘zbekiston U-23 terma jamoasi iyun oyidagi FIFA kunlari doirasida Fransiya olimpiya terma jamoasiga qarshi o‘rtoqlik o‘yinida maydonga tushdi.
O‘yinning 31-daqiqasida raqiblar penaltidan hisobni ochdi. 39-daqiqada Fransiya darvozasi tomon penalti belgilandi va Diuf ogohlantirildi. Biroq VAR orqali tekshiruvdan so‘ng penalti bekor qilindi va Diufga ko‘rsatilgan sariq kartochka ham bekor qilinib, O‘rinboyev ogohlantirildi.
Birinchi bo‘lim Fransiyaning kichik hisobdagi g‘alabasi bilan yakunlandi.
Ikkinchi bo‘lim startida hisob tenglashdi. 78-daqiqada Fransiya termasining uzoq davom etgan hujumini Odobert gol bilan yakunladi.
Uchrashuv 2:1 hisobida yakuniga yetdi.
Fransiya U23 - O‘zbekiston U23 2:1
Gollar: Jan Mateo Bahoya (31-penaltidan, 1:0), Nodir Abdurazzoqov (47, 1:1), Uilson Odobert (78).
Fransiya U-23: 16. Giyom Rest, 9. Matis Ablin, 13. Jan Mateo Bahoya, 20. Andi Diuf, 19. Ismail Dukure, 21. Feliks Lamareshal, 8. Yoxann Lepenant, 2. Kastelo Lukeba, 4. Krislain Matsima, 3. Kuyentin Merlin, 5. Kilian Sildilia.
Zaxiradagilar: Agume, Barri, Sisse, Mavissa, Nkambadio, Odobert, Risser, Tchauna, Tel, Zeze.
O‘zbekiston U-23: 1. Otabek Boymurodov, 2. Izzatilla Po‘latov, 4. Muhammadrasul Abdumajidov, 6. Jahongir O‘rozov, 7. Aziz Xolmurodov, 9. Sherzod Esanov, 10. Muhammadali O‘rinboyev, 15. Diyor Ortiqboyev, 17. Nodir Abdurazzoqov, 20. Mahmud Mahamadjonov, 22. Otabek Ahadov.
Zaxiradagilar: Nemanov, Mustafoqulov, Hayrullayev, Soipov, Jumayev, Mavlonqulov, Tuxsanov, O‘rmonjonov, Turdimurodov, Abdurahmonov.
Ogohlantirish: Muhammadali O‘rinboyev (41), Sherzod Esanov (74).
