Klublar o‘rtasidagi Jahon chempionati oldidan FIFAni tashvishga solayotgan 3 muammo
Klublar o‘rtasidagi Jahon chempionatiga start berishga sanoqli kunlar qolmoqda. Biroq bu yirik musobaqa hali boshlanmasidanoq bir qator muammolar va noroziliklar markaziga aylanib ulgurdi. Tashkilotchilarning rejalaridagi uzviylikka putur yetayotganini ko‘rish mumkin.
Telexuquqlar masalasi – FIFA intilayotgan katta mablag‘
FIFA tomonidan turnir teletranslyatsiyalari bo‘yicha muzokaralar ancha murakkab kechdi. Tashkilot bir qator yirik telekompaniyalardan kelayotgan takliflarni qabul qilmadi, chunki ulardan ko‘proq mablag‘ talab qilmoqda. Bir muddat turnirning o‘tkazilishi ham shubha ostiga qo‘yildi. Ammo oxir-oqibatda DAZN platformasi bilan shartnoma tuzilib, masala hal etildi.
“Leon”ning chetlatilishi va ishtirokchi jamoalar bo‘yicha noto‘g‘ri rejalash
Tashkilotchilar uchun navbatdagi zarba – Meksikaning “Leon” jamoasi bilan bog‘liq bo‘ldi. “Leon” va “Pachuka” klublarining egalari bir shaxs bo‘lgani uchun reglamentga ko‘ra bu jamoa turnirda ishtirok eta olmaydigan bo‘ldi. Uni almashtiruvchi jamoa esa so‘nggi paytdagina ma’lum qilindi, bu esa tayyorgarlik masalalarida qiyinchilik tug‘dirdi. Shu bilan birga, bir qator klublar ishtirokchi sonini 32tadan 48taga oshirishni talab qilmoqda.
Chipta muammosi – afishalar o‘zini oqlamadi
Musobaqa oldidan eng katta muammolardan biri – chiptalarga bo‘lgan talab pastligi bo‘lmoqda. FIFA chiptalar narxini sezilarli darajada kamaytirganiga qaramay, muxlislar orasida turnirga qiziqish past. Afishalar va reklama kampaniyalari ham kutilgan samarani bermadi. Eng qizig‘i, FIFA chiptalarni faqat televideniye orqali ko‘rinadigan sektorlarga sotishni boshladi. Bu, ularning fikricha, teleefirda yuqori qiziqish ta’surotini yaratishi mumkin.
Xulosa
Klublar o‘rtasidagi Jahon chempionati rasman start olmasidan avvaloq katta bosim va muammolar o‘yiniga aylanib ulgurdi. FIFAning eng nufuzli turnirlaridan biri deb baholanishi kerak bo‘lgan ushbu musobaqa avvalgi yillardagi Jahon chempionatidagi kabi qiziqishni yo‘qotgani ko‘rinib turibdi. Bu esa tashkilotchilar uchun jiddiy xulosalar chiqarishga sabab bo‘lishi mumkin.
