“Spartak” futbol klubi matbuot xizmati yangi mavsum maqsadlari haqida video e’lon qildi. Bu haqida www.euro-football.ru xabar berdi.
Unda bir necha futbolchilar yangi mavsumda erishmoqchi bo‘lgan natijalarini aytib o‘tishdi. Jumladan, Ruslan Litvinov, Aleksis Duarte va Markinyos Rossiya chempionligini qo‘lga kiritishni asosiy maqsad sifatida belgilashgan.
Umuman olganda, oltita futbolchi bu borada o‘z fikrini bildirdi. Klub kapitanlari orasidan Roman Zobnin esa “Spartak” uchun o‘ynagan o‘yinlar sonini 300 taga yetkazishni xohlayotganini ma’lum qildi. Hozirda uning hisobida 272 ta o‘yin bor.
Ushbu video quyida tomosha qilishingiz mumkin. Eslatib o‘tamiz, “Spartak” Rossiya Premer-ligasining o'tgan mavsumini to‘rtinchi o‘rinda yakunlagan edi. Klub oxirgi marta mamlakat chempionligi unvonini 2016-2017 yilgi mavsumda, murabbiy Massimo Karreraning rahbarligi ostida qo‘lga kiritgandi.
Yangi mavsumda jamoa yanada yuqori natijalarga erishishga intilmoqda.
