«Nyukasl» Isakga rekord maosh taklif qilmoqchi
“Nyu-Kasl” klubi hujumchi Aleksandr Isakni saqlab qolishga qaror qilgan va unga klub uchun rekord darajadagi yangi shartnoma taklif qilishga tayyorlanmoqda. Bu haqida www.euro-football.ru xabar berdi.
Bu haqda The Times gazetasi muxbiri Martin Xardi yozmoqda. Manba ma’lumotlariga ko‘ra, shved hujumchining haftalik maoshi 150 ming funt sterlinggacha ko‘tarilishi mumkin.
Yangi shartnoma tuzilgan taqdirda, Isak “Nyu-Kasl” tarixidagi eng yuqori maosh oluvchi futbolchi bo‘ladi. Hozirda 25 yoshli futbolchiga bir nechta yirik klublar qiziqish bildirmoqda, jumladan, “Liverpul”, “Arsenal” va “Barselona” klublari.
Shunga qaramay, “Nyu-Kasl” o‘zining asosiy o‘yinchilaridan birini saqlab qolishga intilmoqda va kelgusi mavsum uchun hujum chizig‘ini aynan Isak atrofida qurishni maqsad qilgan. Aleksandr Isak 2022 yil yozida ushbu ingliz klubiga o‘tgan edi.
O‘tgan mavsumda u barcha musobaqalarda jami 42 ta o‘yinda maydonga tushib, 27 ta gol urdi va 6 ta golga uzatma berdi. Klub rahbariyati uning kelajagiga katta umid bog‘lagan va uni tarkibda saqlash uchun barcha imkoniyatlarni ishga solmoqda.
Isakning faoliyati “Nyu-Kasl”ning hujum salohiyatini sezilarli darajada oshirmoqda va klub muxlislari uning qolishini intizorlik bilan kutmoqda.
