Ispaniyaning Milliy sudi Qirollik Ispaniya futbol federatsiyasi (RFEF) sobiq rahbari Luis Rubialesga nisbatan chiqarilgan hukmni o‘zgartirmadi. Bu haqida www.euro-football.ru xabar berdi.
Rasmiy bayonotga ko‘ra, ish bo‘yicha tomonlarning, jumladan himoya, prokuratura va boshqa ishtirokchilarning barcha apellyatsiya shikoyatlari rad etildi. 2025-yil fevralda Rubiales nojo‘ya xatti-harakati uchun aybli deb topilgan.
Bu holat 2023-yilgi ayollar jahon chempionatining final o‘yinida yuzaga kelgan. Unda Rubiales Ispaniya terma jamoasi futbolchisi Jyenifer Ermoso bilan jamoat oldida lablaridan o‘pishgan.
Futbolchi esa bunday harakatga rozilik bermaganligini bildirgan. Qonuniy qarorga asosan, Rubiales bir yil davomida futbolchiga 200 metrdan yaqinlashmasligi va unga hech qanday aloqa o‘rnatmasligi taqiqlanadi. Bundan tashqari, unga 18 oy davomida kuniga 20 yevro jarima solinadi.
Umumiy to‘lov summasi taxminan 10 800 yevroni tashkil qiladi. Bu qaror qayta ko‘rib chiqilmaydi va sud organlari sobiq funksionerning xatti-harakati sportchining shaxsiy chegaralarini buzgan deb topildi.
Shu bilan birga, sud qarori sportchining huquqlarini himoya qilishga qaratilganligini ta’kidladi. Ushbu ish Ispaniyadagi sport sohasida shaxsiy chegaralarning muhimligini yana bir bor ko‘rsatdi.
