Rossiya futbol ittifoqi prezidenti Aleksandr Dyukov UEFA va FIFA tomonidan qo‘yilgan futbolga oid sanksiyalarning olib tashlanishi masalasiga ijobiy qaramoqda. Bu haqida Euro-football.ru xabar berdi.
U hisobicha, Rossiya jamoalarining xalqaro maydonga qaytishi uchun asoslar mavjud. Dyukovning aytishicha, yil oxirigacha bu borada muhim qarorlar qabul qilinishi mumkin.
So‘nggi uch yildan beri Rossiya klublari va terma jamoalari rasmiy xalqaro musobaqalarda ishtirok eta olmayapti. Hozirgi kunda Rossiya terma jamoasi faqat do‘stona o‘yinlar o‘tkazmoqda.
Ilgari UEFA vakillari Ukraina bilan bog‘liq vaziyat tartibga solinsa, Rossiya ustidan qo‘yilgan sanksiyalar olib tashlanishi mumkinligini aytgan. Shu sababli, futbol olamida Rossiyaning xalqaro faoliyatga qaytishi haqida umidlar mavjud.
Bu jarayonning davomiyligi va yakuni esa siyosiy vaziyatga bog‘liq bo‘lib qolmoqda. Futbolchilar va muxlislar uchun bu yangiliklar muhim ahamiyatga ega hisoblanadi.
