Lamin Yamal "Barselonada" yangi o‘n raqamni oladi
"Barselona" jamoasining qanot himoyachisi Lamin Yamal klubning yangi o‘n raqami bo‘lishga tayyorlanmoqda. Bu haqida Euro-football.ru xabar berdi.
Ansu Fati yaqin orada "Monako"ga o‘tadi va o‘n raqam yaqin kelajakda Yamalga beriladi. Yaqinda 17 yoshli futbolchi ijtimoiy tarmoqlarda "Barselona"ning o‘n raqamli futbolkasi bilan Maradonaning suratini joylagan edi, endi esa shunga o‘xshash postni Ronaldinyo bilan ham chiqardi.
Bu orqali Lamin o‘zining tez orada shu afsonaviy raqamni olishini ma'lum qilmoqda. Ma’lumotlarga ko‘ra, Kataloniya klubi buni ertaga rasman e'lon qiladi.
Agar futbolchi Maradona va Ronaldinyodan keyin Lionel Messi bilan ham surat joylasa, bu holat yanada mantiqli ko‘rinadi. 13 iyulda Lamin Yamaldan 18 yosh to‘ladi. Hozirda u 19-raqam ostida maydonga tushmoqda.
Yamal jamoada o‘zining iste’dodi va tezligini namoyish qilib, ko‘pchilikning e’tiborini tortmoqda. Uning yangi raqamni olishi "Barselona" uchun yangi davr boshlanishi sifatida qaralmoqda.
Futbol ixlosmandlari va mutaxassislar Laminning kelajagini porloq deb baholamoqda. Klub rahbariyati ham yosh futbolchini qo‘llab-quvvatlashga tayyor ekanligi aytilmoqda.
Shunday qilib, Lamin Yamal "Barselona" tarixida o‘z o‘rnini mustahkamlashga intilmoqda.
