Madridning “Real” jamoasi darvozaboni Tibo Kurtua “PSJ” jamoasi darvozaboni Janluiji Donnarummani Myunxenning “Bavariya” jamoasi yarim himoyachisi Jamal Musialega qasddan jarohat yetkazishda ayblamaslikni so‘radi. Bu haqida Euro-football.ru xabar berdi.
Ushbu voqea Klub jahon chempionati chorak finalining birinchi bo‘limi oxirida sodir bo‘ldi. Italiyalik futbolchi to‘pni olishga harakat qilib, nemis futbolchisi bilan to‘qnashdi va u og‘ir oyoq jarohati oldi.
Kurtua fikricha, Donnarummani Musialaning jarohati uchun ayblash ortiqcha bo‘ladi, chunki darvozabonlar doimo to‘pga intiladi. Shuningdek, u darvozabonlar maydon o‘yinchilari bilan kurashda ko‘pincha jarohat olishini ta’kidladi.
Dastlabki ma’lumotlarga ko‘ra, Musialada kichik suyak sinishi bor. O‘yin “PSJ” jamoasi foydasiga 2:0 hisobida yakunlandi.
