Mashhur sobiq futbolchi Lotar Matteus “Bavariya” klubi Tomas Myuller bilan shartnomani bekor qilishni kechiktirishi kerak deb hisoblaydi. Bu haqida Euro-football.ru xabar berdi.
35 yoshli futbolchi Myuller joriy mavsumda Myunxen jamoasi tarkibida Klub jahon chempionati chorak finalida “PSJ”ga qarshi o‘yinda 0:2 hisobida mag‘lub bo‘ldi. Ushbu o‘yinda u klubdan erkin agent sifatida ketishi aniqlandi.
Shu o‘yinda yosh futbolchi Jamal Musiala jiddiy jarohat oldi va u to‘rt- besh oy maydondan uzoqda qoladi. Matteus Musialaning jarohati uni hayratga solganini aytdi va unga tezda sog‘ayishni tiladi.
U “Bavariya” klubiga hozirgi vaziyatda Tomas Myullerga olti oylik shartnoma taklif qilishni maslahat berdi. Chunki yarim yil ichida Amerika Qo‘shma Shtatlarida mavsum boshlanadi va Tomas shu vaqtgacha “Bavariya”ga yordam berishda davom etishi mumkin.
Matteus o‘zining “Nyu-York Metro Stars” klubiga o‘tgan paytdagi shunga o‘xshash vaziyatni misol qilib keltirdi va muxlislar bunday qarordan mamnun bo‘lishini ta’kidladi. Hozircha Tomas Myuller yangi klub tanlamagan, biroq u MLSda o‘zini sinab ko‘rishga tayyorligini bildirgan.
