Yarim final chiptalari pivo narxiga teng bo‘ldi

Jahon klublar chempionati o‘yinlariga tashrif buyurishdagi muammolar tufayli FIFA chiptalarning narxini qayta ko‘rib chiqdi. Bu haqida Euro-football.ru xabar berdi.

Bu haqda Daily Mail nashri xabar berdi. Endilikda "Metlayf" stadionida bo‘lib o‘tadigan yarim final o‘yinlari uchun, xususan “Chelsi” va “Fluminense” jamoalari o‘rtasidagi bahsga kirish uchun chiptalar avvalgiga nisbatan ancha arzon narxlarda sotilmoqda.

Oddiy chipta narxi 13,4 dollarga tushirildi, avval bu narx 473,9 dollarni tashkil etgan edi. Stadion yaqinida sotilayotgan yarim litrga yaqin pivo esa 14 dollarga baholanmoqda.

Futbol ishqibozlari orasida yuqori narxda chipta olganlar noroziliklarini ijtimoiy tarmoqlarda bildirib, pul qaytarilishi yoki keyingi o‘yinlarga chegirma berilishi haqida ma’lumot berilmaganligini ta’kidlamoqda. Hozircha FIFA tomonidan bu borada rasmiy bayonot berilmagan.

Shunday qilib, chiptalarning narxi pasayishi muxlislar uchun stadionga kirishni osonlashtirishi kutilmoqda.