Real hujumchisi Endrikni ijaraga berishni rejalashtirmoqda
«Real» jamoasi yangi mavsumga tayyorgarlik ko‘rmoqda va Klub jahon chempionati yakunidan so‘ng tarkibda o‘zgarishlar yuz berishi mumkin. Bu haqida Euro-football.ru xabar berdi.
El Chiringuito telekanalida berilgan ma’lumotga ko‘ra, yozgi transferlar vaqtida «Real» jamoasi hujumchi Endrikni ijaraga berishni rejalashtirmoqda. Endrik 21 iyul kuni 19 yoshga to‘ladi.
U jamoaga bir yil oldin qo‘shilgan. Shu vaqt ichida braziliyalik futbolchi 37 o‘yinda maydonga tushib, yetti gol urdi va bir golga assistentlik qildi.
Umuman olganda, yosh futbolchi jamoa tarkibida ko‘p o‘yin amaliyotiga ega bo‘lmagan. Shuningdek, yozgi mavsumda «Real» tarkibida iste’dodli hujumchi Gonsalo Garsiya o‘zini ko‘rsatdi.
21 yoshli futbolchi Klub jahon chempionatida beshta o‘yinda to‘rt marta gol urishga muvaffaq bo‘ldi. Bu esa jamoaning hujum liniyasini yanada kuchaytirishga xizmat qilmoqda.
Jamoa rahbariyati tarkibni yanada mustahkamlash uchun imkoniyatlarni ko‘rib chiqmoqda.
