"Krasnodar" jamoasining bosh murabbiyi Murad Musayev yana bir bor Eduard Spertsiyaning "buzovlar" safidan ketishi mumkinligi haqida fikr bildirdi. Bu haqida Euro-football.ru xabar berdi.
U o‘z so‘zlarida Spertsiyani jamoaning uzoq yillik yetakchisi, xuddi Stiven Jerrard yoki Fransesko Totti kabi butun faoliyatini "Krasnodar"da o‘tkazishini xohlashini ta’kidladi. Murabbiy, shuningdek, uning jamoa sardori bo‘lib, yangi yutuqlarni qo‘lga kiritishini istashini aytdi.
Eslatib o‘tamiz, bu yozda Spertsiya Angliyaning "Lids" klubiga o‘tishi mumkinligi haqida gaplar tarqaldi. "Lids" jamoasi Premer-ligaga qaytgan.
Transfermarkt portali ma’lumotlariga ko‘ra, "Krasnodar" sardori va yetakchisining bozor qiymati 25 million yevroni tashkil etadi. Hozirda Eduard bilan "buzovlar" o‘rtasida yana bir mavsumga mo‘ljallangan shartnoma amal qilmoqda.
U "Krasnodar" klubining akademiyasida tarbiyalangan o‘yinchidir.
👍 0❤️ 0😂 0😢 0😡 0
