Rossiyalik mutaxassis Dmitriy Cheryshev jurnalistlar bilan suhbatda ingliz hujumchisi Jeymi Vardining Moskva "Spartak" klubiga o'tishi mumkinligi haqida fikr bildirdi. Bu haqida Euro-football.ru xabar berdi.
Hozirda 38 yoshli futbolchi erkin agent hisoblanadi. Cheryshev "Spartak" o‘rnida men Vardini Zabolotniy o‘rniga qo‘lga kiritishga harakat qilgan bo‘lardim, dedi.
U Vardi taniqli futbolchi ekanligini ta’kidladi va bunday transfer liga qiziqishini oshirishini aytdi. Eslatib o‘tamiz, 34 yoshli Zabolotniy erkin agent sifatida "qizil-oq"lar safini to‘ldirgan.
Anton Moskva klubi bilan bir yillik shartnoma imzolagan. O‘tgan mavsumda hujumchi Podmoskovye "Ximki" klubida to‘p surib, olti gol urib, olti golga assistentlik qilgan.
