Moskva “Dinamo” jamoasining darvozaboni Igor Leshuk joriy transfer oynasida jamoani tark etishi mumkin. Bu haqida Euro-football.ru xabar berdi.
“Sport-Express” nashrining ma’lumotlariga ko‘ra, “oq-ko‘k”lar 29 yoshli Leshukni ijaraga berish variantlarini ko‘rib chiqishga tayyor. “Dinamo” yosh darvozabonlar Andrey Kudravets va Qurban Rasulovning rivojlanishidan mamnun bo‘lib, ular zarurat tug‘ilganda asosiy darvozabon Andrey Lunyev o‘rnini bosishga qodir.
Shu sababli, jamoa Leshukni qo‘yib yuborishi mumkin, shunda u ko‘proq o‘yinda ishtirok etish imkoniyatiga ega bo‘ladi. Leshuk “Dinamo” tarbiyalanuvchisi hisoblanadi.
O‘tgan mavsumda u barcha musobaqalarni hisobga olganda 11 o‘yinda maydonga tushdi, 17 ta gol o‘tkazib yubordi va ikki marta o‘z darvozasini daxlsiz saqlashga muvaffaq bo‘ldi.
