Kirlyakov Rossiya Premer Ligasi favoriti: Zenit
Sobiq Moskva “Dinamo”, Germaniya “Karlsruye” klublari va Rossiya terma jamoasi hujumchisi Sergey Kirlyakov Rossiya Premer Ligasi 2025/2026 yilgi mavsumining asosiy favoritini aniqladi. Bu haqida Euro-football.ru xabar berdi.
Uning fikricha, bu mavsumda “Zenit” jamoasi ustunlik qilishi kutilmoqda. “Zenit” o‘tgan mavsumda faol transfer siyosatini olib bordi va kuchli tarkib shakllantirish uchun katta mablag‘ sarfladi.
Jamoa rahbariyati 100 yillik yubiley tadbirini keyingi yilga qoldirdi va jamoani yanada kuchaytirishga harakat qilmoqda. Mutaxassisning ta’kidlashicha, “Zenit” keyingi chempionatda oltin medallarni qaytarib olishga intiladi.
Shu bilan birga, mavsum juda qiziqarli bo‘ladi, chunki “Zenit”ga kuchli raqobatni Moskva “Dinamo”si va amaldagi chempion “Krasnodar” ko‘rsatishga tayyor. “Spartak” va “Lokomotiv” jamoalarining chempionlik uchun kurashishi haqida esa Kirlyakov shubha bildirdi.
Ularning ushbu mavsumda yuqori natijalarga erishishi qiyinligini ta’kidladi. Umuman olganda, yangi mavsumda Rossiya Premer Ligasi jiddiy va raqobatbardosh bo‘lishi kutilmoqda.
