Bavariya jamoasining hujumchi yarim himoyachisi Jamal Musiala o‘zining faoliyati davomida eng yaxshi jamoadoshini aniqladi. Bu haqida Euro-football.ru xabar berdi.
U bu unvonni Tomas Myullerga berishini aytdi. Musiala Myullerdan ko‘p narsalarni o‘rganganini, uning bergan kichik maslahatlari juda foydali bo‘lganini ta’kidladi.
Shuningdek, u Myuller bilan birga o‘ynash juda maroqli bo‘lganini bildirdi. Musiala ko‘plab futbolchilarni eslab o‘tishi mumkinligini aytgan bo‘lsa-da, Tomas Myuller uning fikricha eng zo‘ri ekanini ta’kidladi.
Ma’lum bo‘lishicha, Tomas Myuller shu yozda "Bavariya"dan ketgan va hozirda yangi jamoa izlamoqda. Hozirda 35 yoshda bo‘lgan futbolchi o‘z faoliyatini davom ettirish uchun yangi imkoniyatlar qidirmoqda.
Jamal Musiala esa Klub chempionatida jiddiy jarohat oldi. Yarim himoyachi operatsiya qilindi va tiklanish jarayonini boshladi.
Uning maydonga qaytishi 2025 yil oxiriga yaqin kutilmoqda. Musiala tez orada sog‘lig‘ini tiklab, faoliyatini davom ettirishga umid qilmoqda.
