Moskva "Spartak"ining qanot o‘yinchisi Pablo Solari yangi mavsumga to‘liq tayyorligini ma’lum qildi. Bu haqida Euro-football.ru xabar berdi.
U klub matbuot xizmatiga bergan intervyusida moslashuv jarayoni oson kechgani, dastlab Janubiy Amerikadan uzoqda bo‘lish unga qiyinchilik tug‘dirganini, ammo tezda yangi sharoitga moslashganini aytdi. Solari buni klub va atrofdagilarning iliq qabul qilganligi bilan izohladi.
Avvalroq u Argentinaning mashhur poytaxt klubi "River Pleyt"da o‘ynagan. "Spartak" safida legioner 2025 yil qishida paydo bo‘lgan.
O‘tgan mavsumning ikkinchi yarmida Solari uchun gol urish muvaffaqiyatli bo‘lmagan, u Rossiya Premyer Ligasi va Kubogida jami ikki gol bilan cheklangan. Pablo Solari yangi mavsumda o‘zini yanada ko‘proq ko‘rsatishga intilishini ta’kidladi.
Klub va muxlislar undan katta natijalar kutmoqda.
