Xivaning tarixiy Ichanqal’a majmuasida YUNESKO va AYSESKO xalqaro tashkilotlari ko‘magida bo‘lib o‘tgan IV Xalqaro baxshichilik san’ati festivali g‘oliblari aniqlandi. An’anaviy tarzda o‘tkazilayotgan mazkur yirik madaniy tadbirga jahonning turli davlatlaridan ko‘plab baxshi-ijrochilar tashrif buyurishdi.
Festival yakuniga ko‘ra, g‘oliblar quyidagicha e’lon qilindi:
3-o‘rin sohiblari:
- Mo‘g‘ulistondan tashrif buyurgan baxshi Ikxagvasuren Lkxamragcha;
- Rossiya vakili Aksiniya Stepanova;
- O‘zbekistonlik iqtidorli baxshi Ziyodillo Ahmedov.
Ziyodillo Ahmedov (O‘zbekiston)
2-o‘rinni egallaganlar:
- O‘zbekistondan Usmonjon Abdullayev;
- Qozog‘istonlik baxshi-ijrochi Kensulu Turikpen.
Usmonjon Abdullayev (O‘zbekiston)
1-o‘rin sohiblari sifatida esa:
- O‘zbekiston sharafini himoya qilgan baxshi Muyassar Jumatova;
- Turkmaniston milliy baxshilar guruhi yuqori baholandi.
Muyassar Jumatova (O‘zbekiston)
Festivalning eng yuqori mukofoti — Gran-pri esa Ozarbayjonning «Oshiqlar» guruhiga topshirildi. Ushbu ijodiy jamoa tadbir ishtirokchilari va hakamlar hay’ati e’tirofiga sazovor bo‘ldi.
«Oshiqlar» guruhi (Ozarbayjon)
Ma’lumot uchun, mazkur festival O‘zbekiston madaniy hayotida alohida o‘rin tutadi va milliy baxshichilik san’ati rivoji uchun muhim ahamiyat kasb etadi. Tadbirda ishtirok etgan ijrochilar o‘z ijodlari orqali xalqlar o‘rtasidagi do‘stlik va madaniy muloqotni yanada mustahkamlashga hissa qo‘shmoqdalar.
