Samarqandda Shabnam Surayyo va Zohirshoh Jo‘rayevning ajoyib dueti bo‘lib o‘tdi (video)

Samarqandda bo‘lib o‘tgan shinam va go‘zal to‘y tadbirida tojikistonlik mashhur xonanda Shabnam Surayyo va o‘zbekistonlik iste’dodli xonanda Zohirshoh Jo‘rayev birgalikda sahna ko‘rinish berib, muxlislarga ajoyib ijodiy tuhfa taqdim etdi.

Ikki qo‘shiqchining dueti tojikcha mashhur tarona – "Dar kunji dilam" qo‘shig‘i bilan boshlanib, tadbir mehmonlari tomonidan katta qiziqish va samimiylik bilan qarshi olindi. Shabnam Surayyoning o‘ziga xos ovoz tembri va Zohirshoh Jo‘rayevning ijodiy mahoratlari bir-biriga uyg‘unlashib, betakror ijro namoyish etildi.

Tadbirda ikki davlat madaniyati va ijodi birlashgan holda go‘zallik va musiqiy uyg‘unlik namoyon bo‘ldi. Bu kabi ijodiy hamkorlik O‘zbekiston va Tojikiston madaniyati orasidagi aloqalarni yanada mustahkamlashga xizmat qiladi.

Shabnam Surayyo va Zohirshoh Jo‘rayevning bu taronasi nafaqat tadbir mehmonlarining, balki ijtimoiy tarmoqlardagi muxlislarning ham katta e’tiboriga tushdi. Duet ijrosidan lavhalar tezda ijtimoiy tarmoqlarda tarqalib, katta muhokamalarga sabab bo‘ldi.