Toshkentda 4 xonadon yondi, FVV sababni o‘rganmoqda
2025-yil 5-iyun kuni soat 06:27 da Toshkent shahri Olmazor tumanidagi Farobiy ko‘chasi 4-uyda yong‘in yuz berdi, deb NOVA24 xabar berdi. Favqulodda vaziyatlar vazirligi matbuot xizmatiga ko‘ra, yong‘inga qarshi xizmatlar 06:32 da voqea joyiga yetib borib, 07:12 da yong‘inni lokalizatsiya qilgan va 07:34 da butunlay o‘chirishga erishgan.
Tekshiruvlarga ko‘ra, yonma-yon joylashgan 4 ta xususiy kvartira yong‘indan zarar ko‘rgan. Yaxshiyamki, jabrlanganlar yo‘q.
Dastlabki taxminlarga ko‘ra, yong‘in sabablaridan biri — mazkur manzildagi uylardan birida saqlangan yonilg‘i-moylash mahsuloti bo‘lishi mumkin.
