Maktablarda dars berayotgan oʻqituvchilarning umumiy soni ma'lum qilindi

Statistika agentligi ma'lumotlariga koʻra, 2024/2025 oʻquv yili boshida Oʻzbekistondagi umumiy oʻrta ta'lim maktablarida ta'lim berayotgan oʻqituvchilarning (oʻrindoshlarsiz) umumiy soni 564,9 ming nafarni tashkil etgan.

Bu koʻrsatkich 2019/2020 oʻquv yili boshiga nisbatan solishtirilganda 78,3 ming nafarga oshgan.

Yillar kesimida umumiy oʻrta ta'lim tashkilotlarida ta'lim berayotgan oʻqituvchilar (oʻrindoshlarsiz) soni:

● 2019/2020 oʻquv yili boshiga 486,6 ming nafar;
● 2020/2021 oʻquv yili boshiga 508,2 ming nafar;
● 2021/2022 oʻquv yili boshiga 510,0 ming nafar;
● 2022/2023 oʻquv yili boshiga 521,6 ming nafar;
● 2023/2024 oʻquv yili boshiga 547,7 ming nafar;
● 2024/2025 oʻquv yili boshiga 564,9 ming nafar.

Ma'lumot uchun, 2024/2025 oʻquv yili boshiga faoliyat yuritayotgan umumta'lim muassasalari soni 10 943 tani tashkil etgan.