Bugungi kunda Toshkentdagi havo sifati indeksining (AQI) darajasi 161 bo‘lib, “nosog‘lom” deb baholanmoqda. Havo ifloslanishining asosiy sababi PM2.5 zarrachalari bo‘lib, u hozirda 69.6 µg/m³ darajada qayd etilgan.
Prognozlarga ko‘ra, 25-fevral davomida havo sifati asta-sekin yaxshilanishi kutilmoqda. Kechga borib AQI 60-70 oralig‘ida bo‘lib, “o‘rtacha” darajaga tushishi mumkin. 26-fevraldan boshlab esa havo sifati ancha yaxshi bo‘lishi, AQI 55-50 oralig‘ida bo‘lishi kutilmoqda. 27-fevraldan esa AQI 29 darajaga tushib, “yaxshi” darajaga o‘tadi.
Mutaxassislar yog‘ingarchilik va shamol tufayli ifloslangan havo tozalanishini ta’kidlashmoqda. Shu sababli juma va shanba kunlari havo sifati sezilarli darajada yaxshilanadi.
👍 0❤️ 0😂 0😢 0😡 0
