Niko Uilyams transferi «Barselonada» to‘xtadi

«Barselona» jamoasi qanot himoyachisi Niko Uilyams bilan shartnoma imzolash ustida ish olib borgan edi. Bu haqida Euro-football.ru xabar berdi.

Biroq yaqinda futbolchi «Atletik» klubi bilan o‘n yillik yangi kelishuvga imzo chekdi. AS nashri jurnalistlari futbolchining transferi amalga oshmasligining asosiy sababini aniqlashga muvaffaq bo‘ldi.

Manbalarga ko‘ra, «Barselona» sport direktori Deku va Uilyams agenti Feliks Teynta o‘rtasidagi muzokaralar muammosiz davom etgan. Ammo kataloniyaliklar agentning «Atletik» bilan ham futbolchining shartnomasini yaxshilash haqida gaplashayotganini bilib qolishgan.

Muzokaralardagi kechikish «Barselonani» ranjitdi va klub to‘g‘ridan-to‘g‘ri futbolchi bilan bog‘landi. Kataloniyaliklar Uilyamsdan Teynta agentidan voz kechib, Jorje Mendes yoki Pini Zahavi kabi boshqa agent bilan ishlashni taklif qilishdi.

Bunday talab Niko va uning oilasini jahli chiqardi. Natijada futbolchi ona klubida qolishga qaror qildi.