Maskerano Messini Jordan va Nadal bilan solishtirdi

«Inter Mayami» jamoasining bosh murabbiyi Xavyer Maskerano o‘zining sobiq jamoadoshi, hozirgi vaqtda o‘z jamoasida to‘p surayotgan Lionel Messini basketbolchi Maykl Jordon va tennischi Rafael Nadal bilan solishtirdi. Bu haqida Euro-football.ru xabar berdi.

Maskerano fikricha, uchalasi ham o‘z sport turlarida buyuk shaxslar qatoriga kiradi. Har qanday sport ixlosmandi Messiga, Maykl Jordonga va Rafael Nadalga havas bilan qaraydi, chunki ular o‘z sohalarining tarixiga kirgan ulug‘ insonlardir.

Bu buyuk sportchilarni yaqinidan kuzatish biz uchun katta sharafdir, deydi argentinalik mutaxassis. Maskerano shuningdek, Messini jamiyat uchun namuna bo‘ladigan inson sifatida ta’rifladi.

Yaqinda bo‘lib o‘tgan «Inter Mayami» va «Nyu-York Red Bulls» o‘rtasidagi o‘yinda Messi ikki gol urdi. Uchrashuv Maskerano jamoasining 5:1 hisobidagi g‘alabasi bilan yakunlandi.

Bu Messi uchun so‘nggi yetti o‘yinda oltinchi dubldir. Messi o‘zining yuqori darajadagi o‘yinini davom ettirmoqda va jamoasiga muhim hissa qo‘shmoqda.