Ayollar Angliya jamoasi tizzasini egmaydi
Ayollar Angliya terma jamoasi Yevropa chempionati yarim final o‘yini boshlanishidan oldin bir tizzasini yerga qo‘yib turmaslikka qaror qildi. Bu haqida Euro-football.ru xabar berdi.
Jamoa matbuot xizmati bayonotiga ko‘ra, bu qaror himoyachi Jessika Karterga nisbatan turnir davomida yuzaga kelgan irqchilik haqidagi haqoratlarni qoralash maqsadida qabul qilingan. Bayonotda federatsiya Jessikani va irqchilikka duch kelgan barcha futbolchilarni qo‘llab-quvvatlashi ta’kidlangan.
Irqchilik har qanday holatda, maydonda yoki undan tashqarida bo‘lishidan qat’i nazar, qabul qilib bo‘lmasligi aytilgan. Angliya terma jamoasi an’anaviy tizzani egib turish ishorasi jamiyatdagi muammoni yetarlicha ifoda eta olmasligini ta’kidlab, diskriminatsiyaga qarshi kurashishda yangi usullarni izlash niyatida ekanligini bildirgan.
Angliya va Italiya terma jamoalari 22 iyul kuni yarim final doirasida uchrashadi. Eslatib o‘tish joizki, 27 yoshli Jessika Karter 2022 yil Yevropa chempioni va 2023 yil jahon chempionati kumush medali sohibasi bo‘lib, ayni paytda Shveytsariyada o‘tayotgan turnirda ijtimoiy tarmoqlarda irqchilik hujumlariga uchrayotgani haqida ma’lumot bergan.
