Grozniy shahrining "Ahmat" futbol klubi Eronning "Gol Gohar" jamoasidan markaziy himoyachi Mehdi Zare transferini amalga oshirish arafasida turibdi. Bu haqida Euro-football.ru xabar berdi.
Sport24 nashrining ishonchli manbaga tayanib berishicha, 22 yoshli futbolchi bilan shartnoma allaqachon kelishib olingan va yaqin kunlarda u Rossiyaga kelib, Grozniy klubiga o'tishdan oldin tibbiy ko‘rikdan o‘tadi. Zarening Eron jamoasi bilan amaldagi shartnomasi 2027 yil yozigacha mo‘ljallangan.
Transfermarkt portali uning bozor qiymatini 900 ming yevro deb baholaydi. O‘tgan mavsumda himoyachi barcha turnirlarda jami 25 o‘yinda maydonga tushgan, ammo gol yoki assistga mualliflik qila olmagan.
Esda tutish joizki, Rossiya Premyer Ligasi yangi mavsumining birinchi turida "Ahmat" o‘z maydonida "Rubin" jamoasiga 0:2 hisobida mag‘lub bo‘lgan. Ushbu transfer klub himoyasini kuchaytirishga qaratilgan muhim qadam sifatida baholanmoqda.
