Milan shahrining “Inter” klubida o‘ynaydigan yarim himoyachi Hakan Chalxanog‘lu agenti yaqinda ikki boshqa klub vakillari bilan muzokaralar olib boradi. Bu haqida Euro-football.ru xabar berdi.
Taxminlarga ko‘ra, 31 yoshli futbolchi yaqin kunlarda “Neradzurri” jamoasi safiga qaytib, yangi mavsumga tayyorgarlikni boshlashi kutilmoqda. Biroq, Chalxanog‘lu kelajagi hozircha aniq emas.
O‘z manbalariga tayanib, jurnalist Yag‘iz Sabundjuog‘lu xabar berishicha, dushanba kuni Chalxanog‘lu agenti Istanbulga kelgan va yaqin orada mahalliy “Fenerbahche” hamda “Galatasaroy” klublari vakillari bilan uchrashuv o‘tkazadi. Oldin ham ushbu ikki turk klubi futbolchiga qiziqish bildirayotgani haqida ko‘p marotaba ma’lumot berilgan.
Shu bilan birga, “Inter” klubi Chalxanog‘luni sotishda taxminan 30 million yevro narx belgilagani xaridorlar uchun muammo bo‘lib qolmoqda. Bu esa kelishuvlarni murakkablashtirishi mumkin.
Futbolchining kelajagi haqida yakuniy qaror yaqin kunlarda aniq bo‘lishi kutilmoqda.
👍 0❤️ 0😂 0😢 0😡 0
