Yaqinda yozgi transferlar orasida eng muhim voqealardan biri ro‘y berdi – Markus Reshford ijaraga berilish sharti bilan “Barselona” klubiga o‘tdi. Bu haqida Euro-football.ru xabar berdi.
Angliyalik futbolchi katalon klubiga qo‘shilgach, o‘z his-tuyg‘ulari bilan o‘rtoqlashdi. Reshfordning so‘zlariga ko‘ra, u yangi jamoasida o‘zini uyday his qilmoqda va bu klub uning uchun oilaga o‘xshaydi.
U “Barselonani” yoshligidan kuzatib kelganini ta’kidlab, endi bu yerda o‘ynashdan zavqlanishini bildirdi. Shuningdek, futbolchi bosh murabbiy Hans-Diter Flik bilan juda ijobiy suhbatlashganini aytdi.
O‘tgan mavsumda Reshford “Manchester Yunayted” va ijara asosida “Aston Villa” jamoalarida o‘ynagan. Umumiy hisobda u 41 ta o‘yinda maydonga tushib, 11 ta gol urdi va 9 ta golga uzatma berdi.
Bu transfer “Barselona” uchun muhim qo‘shimcha bo‘lishi kutilmoqda.
