Dyokereshning Arsenalga o‘tishi huquqiy sabablarga bog‘liq
Shvediyalik hujumchi Viktor Dyokeresh Londondagi Arsenal klubiga o‘tishga yaqin turibdi. Bu haqida Euro-football.ru xabar berdi.
Bu haqda taniqli insayder Fabrizio Romano ma’lum qilgan. Uning ma’lumotiga ko‘ra, Arsenal va Sporting klublari o‘rtasida transfer shartlari kelishib olingan va hozirda huquqshunoslar ishtirokida hujjatlar yakunlanmoqda.
Tomonlar so‘nggi yuridik tafsilotlarni, jumladan taxminan 10 million yevro bonus miqdorini kelishmoqda. Transferning asosiy summasi 63,5 million yevroni tashkil etadi.
Shartnoma imzolangach, futbolchi tibbiy ko‘rikdan o‘tadi. Romano ta’kidlaganidek, klublar o‘rtasida og‘zaki to‘liq kelishuvga erishilgan va transferga hech qanday to‘siq qolmagan.
O‘tgan mavsumda Dyokeresh Sporting safida ajoyib natija qayd etdi: u 52 o‘yinda maydonga tushib, 54 ta gol urdi va 13 ta golga uzatma berdi. 26 yoshli hujumchining Lissabon klubidagi shartnomasi 2028 yilgacha amal qiladi.
Transfermarkt ma’lumotlariga ko‘ra, uning bozor qiymati hozirda 75 million yevroni tashkil etadi.
