Reshford Barselona bilan Chempionlar Ligasi g‘olibi bo‘lishni xohlaydi
Yangi «Barselona» futbolchisi Markus Reshford klubda erishmoqchi bo‘lgan maqsadlari haqida gapirdi. Bu haqida Euro-football.ru xabar berdi.
Angliyalik futbolchi rasman «Barselona» safiga qo‘shildi va «Manchester Yunayted»dan ijaraga o‘tgan. Shartnomada keyinchalik futbolchini doimiy sotib olish huquqi ham ko‘zda tutilgan.
Reshfordning aytishicha, u «Barselona» bilan Chempionlar Ligasida g‘olib bo‘lishni orzu qiladi. O‘tgan mavsumda jamoa bu maqsadga yaqin kelgan, ammo yakunda to‘rtlik finalda mag‘lub bo‘lgan.
U klubga yordam berib, ushbu yutuqqa erishishni xohlaydi. Eslatib o‘tamiz, «Barselona» so‘nggi Chempionlar Ligasi musobaqasida yarim finalga chiqdi va ikki o‘yin yakunida Milanning «Inter» jamoasiga 6:7 hisobida imkoniyatni boy berdi.
Reshfordning kelishi jamoaning hujum chizgisini yanada kuchaytirishi kutilmoqda. Uning maqsadi nafaqat o‘zini namoyish etish, balki jamoani katta yutuqlarga yetaklashdir.
Klub va futbolchi o‘rtasidagi hamkorlik muvaffaqiyatli bo‘lishiga ishongan muxlislar yangi mavsumni katta umid bilan kutmoqda.
