Kamerunlik darvozabon Andre Onana Angliyaning "Manchester Yunayted" klubiga qaytib, jamoa bilan birga mashg‘ulotlarni boshladi. Bu haqida Euro-football.ru xabar berdi.
Klubning matbuot xizmatidan ma’lum qilinishicha, darvozabon maydonga jarohatdan keyin qaytgan. Oldinroq Onananing jarohati sabab ikki oygacha maydonda bo‘lmasligi mumkinligi aytilgan edi, ammo ikki haftadan kam vaqt ichida uning jarohati jiddiy emasligi aniqlandi.
O‘tgan mavsumda barqaror o‘yin ko‘rsatmagan futbolchi hozircha "Manchester Yunayted"da qolmoqda. Klub esa yangi darvozabon Emiliano Martinesni jamoaga qo‘shib olish bo‘yicha urinishlaridan hali ijobiy natija chiqmagan.
Shu bilan birga, Onana ham jamoada qolishni istayotganini bildirgan. O‘tgan mavsumda u 50 o‘yinda maydonga tushib, 65 ta gol o‘tkazib yuborgan, shundan 12 o‘yinda darvozasini saqlab qolgan.
Onananing jamoaga qaytishi "Manchester Yunayted" darvozasi uchun muhim yangilik hisoblanadi.
👍 0❤️ 0😂 0😢 0😡 0
