Adiyev: Tarkibni kam o‘zgartirish natija berdi
“Krilya Sovetov” jamoasining bosh murabbiyi Magomed Adiyev “Krasnodar”ga qarshi o‘yin yakunidan so‘ng o‘z fikrlarini bildirdi. Bu haqida Euro-football.ru xabar berdi.
Uchrashuvdan keyingi intervyuda murabbiydan “Krasnodar” jamoasini ularning maydonida mag‘lub etish va 2022 yildan beri ilk bor g‘alaba qozonish qanchalik yoqimli bo‘lgani haqida so‘raldi. Magomed Adiyev bu savolga javoban, statistikani ko‘p yoqtirmasligini, har qanday g‘alaba – uyda bo‘ladimi yoki safarda – doim yoqimli ekanini ta’kidladi.
U bu g‘alabani ortiqcha ma’noga ega emasligini, bu oddiy g‘alaba ekanini va o‘yindan 12 soat o‘tgach, uni unutib, navbatdagi murakkab o‘yinga tayyorgarlik ko‘rish lozimligini aytdi. Murabbiy uchun eng muhim narsa – keyingi uchrashuvga jiddiy tayyorlanishdir.
Shuningdek, Adiyevdan uchrashuv boshida tez gol urish bo‘yicha maxsus ko‘rsatma bo‘lganmi, deb so‘raldi. U bunga javoban, har doim o‘yin boshida to‘liq diqqat bilan harakat qilish zarurligini, aynan boshlanish va yakuniy daqiqalarda o‘yin taqdiri hal bo‘lishi mumkinligini aytdi.
O‘yinchilar o‘z pozitsiyalarida intizomli bo‘lishlari kerakligini ta’kidladi. Jamoada tarkibni ko‘p o‘zgartirmaslik ijobiy natija bergani haqida ham savol bo‘ldi.
Adiyev yangi jamoa shakllanayotganida tarkibni keskin o‘zgartirish to‘g‘ri emasligini, avval mavjud tuzilmani mustahkamlash, so‘ngra asta-sekin yangi futbolchilarni jamoaga qo‘shish kerakligini bildirdi. Murabbiy mavsum boshidagi uchta o‘yin jamoa uchun qiziqarli va kuchli chiqqanini qayd etdi.
Uning so‘zlariga ko‘ra, o‘yinchilarning mashg‘ulotlarga bo‘lgan munosabati va harakatlari natija bermoqda. Har bir futbolchi asosiy tarkibda o‘ynashga intilmoqda va bu jamoada kuchli raqobat muhitini yaratmoqda.
Biroq, murabbiy hali mavsum endi boshlanganini, jamoa hali hech narsaga erishmaganini va har bir o‘yinga jiddiy tayyorgarlik ko‘rish lozimligini ta’kidladi.
