"Inter Mayami" hujumchisi Lionel Messi Ligalar kubogi doirasida Meksikaning "Atlas" jamoasiga qarshi o‘yindan so‘ng o‘zining jismoniy holati haqida fikr bildirdi. Bu haqida Euro-football.ru xabar berdi.
Argentinalik futbolchi ushbu uchrashuvda ikki marta aniq pas berib, jamoasining g‘alabasiga hissa qo‘shdi va uchrashuv qahramonlaridan biri bo‘ldi. Messining aytishicha, o‘yin juda og‘ir kechgan.
Uning so‘zlariga ko‘ra, bunday issiq havoda o‘ynash oson emas. Bundan tashqari, u avvalgi o‘yinni o‘tkazib yuborgani sababli, bu holat unga yordam bermagan, aksincha, yanada qiyin bo‘lgan.
Messi doimiy ravishda o‘ynash orqaligina o‘zini yaxshi jismoniy holatda his qilishini, o‘yin ritmini ushlab tura olishini ta’kidladi. Ayniqsa, birinchi taymda unga qiyin bo‘lgan, chunki avvalgi uchrashuvda maydonga tusha olmagan.
Shuningdek, Messi uchun eng muhim narsa jamoaning g‘alabaga erishgani ekanini alohida qayd etdi. Ma’lumot uchun, Lionel Messi avvalgi "Sinsinnati"ga qarshi o‘yinda maydonga tusha olmagan, bunga sabab esa "Inter Mayami" klubi tomonidan uni barcha yulduzlar o‘yiniga yuborilmagani tufayli diskvalifikatsiya bo‘lganidir.
