“Vest Hem” futbolchisi Lukas Paketa Angliya futbol assotsiatsiyasi reglamentini buzganlik bo‘yicha ko‘tarilgan ishda rasmiy ravishda oqlangani ma’lum qilindi. Bu haqida Euro-football.ru xabar berdi.
Mazkur ish futbolchining o‘z jamoasi safida bir necha o‘yinlarda sariq kartochkalar olgani sababli yuzaga kelgan edi. Xususan, Paketa 2022 yil noyabridan 2023 yil avgustigacha bo‘lgan davrda “Lester”, “Aston Villa”, “Lids” va “Bornmut” jamoalariga qarshi o‘yinlarda to‘rt marta ogohlantirilgan.
Shu sababli unga nisbatan hatto umrbod diskvalifikatsiya ehtimoli ham ko‘rib chiqilgan. “Vest Hem” klubi vakillari mustaqil nazorat komissiyasi tomonidan Paketa tomonidan hech qanday tartib buzilishi aniqlanmaganini va unga nisbatan barcha da’volar bekor qilinganini bildirdi.
Klub rahbariyati futbolchiga bu jarayon davomida doimiy yordam ko‘rsatganini ta’kidladi. Shuningdek, Paketa o‘zining aybsizligini isbotlab bera oldi.
Endilikda u to‘liq e’tiborini maydondagi o‘yinlarga qaratishi mumkin. Klub va futbolchi ushbu qarorni ijobiy baholagan.
Shu tariqa, Paketa atrofidagi noaniqliklar bartaraf etildi va u faoliyatini davom ettiradi.
