"Barselona" futbolchisi Rafinya ispan nashriga bergan intervyusida o‘zining kelajagi haqida fikr bildirdi. Bu haqida Euro-football.ru xabar berdi.
So‘nggi paytda Rafinya klub bilan shartnomasini yana bir mavsumga uzaytirgan edi. Shu munosabat bilan undan 2028-yildan keyingi faoliyati haqida savol berildi.
Bugungi kunda ayrim futbolchilar 2030-yilgacha yoki undan ham uzoq muddatga shartnoma imzolashmoqda. Rafinya bu borada shunday dedi: "Haqiqat shuki, agar klub mendan rozi bo‘lsa, men imkon qadar uzoqroq bu yerda qolishni istayman.
Albatta, agar o‘zimning o‘yinimdan yoki jamoaga qo‘shayotgan hissamdan qoniqmasam, ketish vaqti kelganini tushunaman. Hozircha o‘zimni yaxshi holatda his qilayapman.
Jismoniy va taktik jihatdan hammasi joyida. Kelajakda nima bo‘lishini vaqt ko‘rsatadi.
Avval ham aytganimdek, agar sog‘lom bo‘lsam va klub meni tarkibda ko‘rishni istasa, o‘zimni to‘liq bag‘ishlab o‘ynashda davom etaman", dedi Rafinya. Uning so‘zlariga ko‘ra, asosiy maqsadi – jamoaga foyda keltirish va o‘z ustida ishlashni davom ettirishdir.
Rafinya "Barselona"da o‘zini qulay his qilayotganini, klub bilan birga yangi yutuqlarga erishishni xohlashini ta’kidladi. Shu bilan birga, u kelajakda ham o‘z imkoniyatlarini to‘g‘ri baholashga harakat qilishini aytdi.
