Bruno Fernandesh Al-Nasr klubiga o‘tishi mumkin
Manchester Yunayted jamoasi sardori Bruno Fernandesh yana Saudiya Arabistoni chempionatining ayrim klublarini qiziqtirmoqda. Bu haqida Euro-football.ru xabar berdi.
A Bola nashrining xabariga ko‘ra, Er-Riyodning Al-Nasr klubi 30 yoshli portugaliyalik futbolchini o‘z safiga qo‘shib olish niyatida. Klub bosh murabbiyi Jorge Jezush transfer bo‘yicha jiddiy qiziqish bildirgan.
Aynan ushbu murabbiy qo‘l ostida Fernandesh oldin Lissabonning Sporting jamoasida debyut qilgan. Al-Nasr klubi uchun moliyaviy masalalar muammo bo‘lmaydi.
Yaqinda Al-Nasr klubiga yana bir portugaliyalik futbolchi, ilgari Chelsi jamoasida o‘ynagan Joau Felish ham qo‘shilgan edi. Shuningdek, klub tarkibida Krishtianu Ronaldu va Otaviu ham to‘p suradi.
Transfermarkt portali ma’lumotiga ko‘ra, Bruno Fernandeshning transfer narxi 50 million yevroga teng. Manchester Yunayted bilan tuzilgan shartnomasi 2027 yilgacha amal qiladi.
Fernandesh joriy mavsumda ham asosiy tarkib futbolchisi bo‘lib qolmoqda va uning kelajagi borasida yakuniy qaror hali qabul qilinmagan. Shu bois, futbolchining keyingi faoliyati ko‘plab futbol ishqibozlarini qiziqtirmoqda.
