Manchester Yunayted jamoasi sardori Bruno Fernandesh faoliyatini boshqa klubda davom ettirish niyatida emas. Bu haqida Euro-football.ru xabar berdi.
Al-Nasr jamoasi bosh murabbiyi 30 yoshli yarim himoyachini o‘z jamoasiga jalb qilishni asosiy maqsad sifatida belgilagan edi. Biroq, Fernandesh Saudiya Arabistonidan kelgan takliflarni qabul qilishni istamadi.
Bu haqda taniqli sport jurnalisti Sacha Tavolieri xabar berdi. Bruno Fernandesh yana bir bor foydali shartnoma olish imkoniyatidan voz kechdi va Manchester Yunayted safida qolishni afzal bildi.
Yoz boshida ham Al-Hilol klubi Fernandeshga qiziqish bildirgan, biroq portugaliyalik futbolchi bu taklifni ham rad etgan edi. Transfermarkt internet portalining ma’lumotiga ko‘ra, Bruno Fernandeshing transfer qiymati hozirda 50 million yevroga teng.
Futbolchining ushbu qarori uning klubga sadoqatli ekanidan dalolat beradi. Shuningdek, Fernandesh Manchester Yunaytedda o‘z oldiga yuqori maqsadlar qo‘ygan va klub bilan yangi yutuqlarga erishishga intilmoqda.
Shu sababli, u Saudiya Arabistonidagi yuqori maoshli shartnomalardan voz kechib, Yevropa futbolida o‘ynashni davom ettirishga qaror qilgan.
