“Ahmat” futbol klubi sobiq bosh murabbiyi Sergey Tashuyev, ushbu jamoa hujumchisi Lechi Sadulayev haqida o‘z fikrini bildirdi. Bu haqida Euro-football.ru xabar berdi.
Unga ko‘ra, Sadulayev Rossiya Premyer-ligasining qaysi jamoasida o‘zini ko‘rsata olishi haqidagi savolga ham javob berdi. OAV xabarlariga ko‘ra, ushbu transfer oynasida Sadulayevga Moskvaning CSKA, Sankt-Peterburgning Zenit va Krasnodar klublari qiziqish bildirgan.
Sergey Tashuyevning so‘zlariga ko‘ra, Lechi Sadulayev uchun eng mos jamoa CSKA bo‘ladi. U bu klubda raqobat jihatidan o‘zini ko‘rsatishi va asosiy tarkibda o‘ynashi osonroq bo‘lishini ta’kidladi.
Tashuyevning fikricha, Krasnodar va Zenit klublarida esa Sadulayev uchun asosiy tarkibda mustahkam o‘rin egallash ancha mushkul bo‘ladi. Mutaxassisning aytishicha, Sadulayev klubini o‘zgartirishga qarshi emas, biroq u hozirda “Ahmat” jamoasida ham o‘zini yaxshi his qilmoqda.
Shu bilan birga, Sadulayev to‘p surayotgan jamoa ushbu mavsumda Rubin va CSKA klublariga yutqazib, hali birorta ochko to‘plagani yo‘q.
