Karpin: “Krasnodar” bizga o‘yinimizni ko‘rsatishga imkon bermadi
“Dinamo” jamoasi bosh murabbiyi Valeriy Karpin “Krasnodar”ga qarshi o‘yindan so‘ng jurnalistlarga o‘z fikrlarini bildirdi. Bu haqida Euro-football.ru xabar berdi.
Unga ko‘ra, jamoa bugungi uchrashuvda ko‘p hujumli vaziyatlar yaratolmadi. Buning sababi sifatida murabbiy tarkibda zaxira futbolchilarning yetishmasligini emas, balki “Krasnodar”ning yaxshi o‘yin ko‘rsatganini ta’kidladi.
Karpinning so‘zlariga ko‘ra, raqib jamoa “Dinamo”ga o‘z o‘yinini amalga oshirishga imkon bermadi. U, shuningdek, nima sababdan bunday bo‘lganini tahlil qilish zarurligini aytdi.
Murabbiydan “Krasnodar”ning to‘pga ko‘proq egalik qilishi kutilganmi?” degan savolga, u buning uchun alohida tayyorgarlik ko‘rilmaganini, agar raqib to‘pni olib qo‘ygan bo‘lsa yoki “Dinamo” o‘zi to‘pni bergan bo‘lsa, bu boshqa masala ekanini bildirdi. Shuningdek, bugungi o‘yinda maydonga tushgan yangi futbolchi Rubensning o‘yini haqida ham so‘ralganda, Karpin u kuchi bor paytda yaxshi harakat qilganini qayd etdi.
Jamoaning mavsumdagi ilk mag‘lubiyati haqida so‘z yuritilar ekan, bosh murabbiy bu natija jamoaning ruhiy holatiga salbiy ta’sir o‘tkazmasligini, aksincha, bu holatdan xulosalar chiqarish lozimligini ta’kidladi.
