Manchester Yunayted futbolchisi Alejandro Garnacho ushbu yozda Turkiyaga o‘tishi ehtimoldan yiroq. Bu haqida Euro-football.ru xabar berdi.
Argentinalik yosh futbolchiga Turkiyaning mashhur klubi Beshiktash qiziqish bildirayotgani haqida xabarlar tarqalgan edi. Biroq, taniqli futbol jurnalisti Fabrizio Romano ma’lumotiga ko‘ra, bu mish-mishlar haqiqatga mos emas.
21 yoshli Garnacho Manchester Yunayted klubini tark etgach, faoliyatini Angliya Premer-ligasida davom ettirishni istaydi. Ayni paytda unga Angliyaning yana bir nufuzli klubi — Chelsi ham qiziqish bildirayotgani aytilmoqda.
Shunga qaramay, hozircha Chelsi va Manchester Yunayted klublari o‘rtasida rasmiy muzokaralar boshlanganicha yo‘q. Garnacho yangi mavsum boshlanishiga qadar boshqa klubga o‘tishi mumkin.
Chunki Manchester Yunayted bosh murabbiyi Ruben Amorim uni jamoaning kelajak rejalari doirasida ko‘rmayapti. Shu sababli futbolchi transfer oynasi yopilguniga qadar yangi jamoa topishi ehtimoli yuqori.
Hozircha futbolchining qaysi klubga o‘tishi aniq emas, biroq uning faoliyatini Angliyada davom ettirish istagi bor.
