Medvedeva Dinamodan Karpin bilan yuqori natija kutmoqda

Olimpiada o‘yinlarining kumush medali sohibasi, figurali uchish bo‘yicha sportchi Yevgeniya Medvedeva Moskvaning "Dinamo" futbol klubi bosh murabbiyi Valeriy Karpinga katta umid bog‘layotganini aytdi. Bu haqida Euro-football.ru xabar berdi.

Medvedeva "Dinamo" jamoasining ashaddiy muxlislari qatoriga kiradi va klub tomonidan tashkil etiladigan turli tadbirlarda faol ishtirok etadi. Yevgeniya Medvedevaning so‘zlariga ko‘ra, u Karpinga katta ishonch bildiradi va jamoaga biroz vaqt kerakligini ta’kidladi.

U: "Karpindan katta natijalar kutyapmiz. Jamoamizga ozroq vaqt yetishmayapti, ishonamanki, yigitlar birlashib, yaxshi natijalarga erishishadi.

Hammamiz chempionlikni orzu qilamiz", – dedi u "Moskva sporti tunlari" tadbiri davomida. Ma’lumot uchun, Valeriy Karpin 2025 yil iyun oyida "Dinamo" klubiga bosh murabbiy etib tayinlangan.

Uning rahbarligida "Dinamo" to‘rt ochko bilan Rossiya oliy ligasi jadvalida to‘qqizinchi o‘rinni egallab turibdi. So‘nggi o‘yinda esa "Dinamo" safarda "Krasnodar" jamoasiga 0:1 hisobida mag‘lub bo‘ldi.

Jamoa oldida hali ko‘plab muhim uchrashuvlar bor va muxlislar yaxshi natijalarni kutib qolmoqda.